Markmið

• Að nemendur geti tengt hæð Snæfellsjökuls við hæð annarra hluta í umhverfi þeirra og þannig gert sér frekari grein fyrir raunverulegri hæð hans.

 

Viðfangsefni

Snæfellsjökull og hæð hans rædd og reynt að finna ákjósanlega mælieiningu til þess að nemendur öðlist skilning á hæð Snæfellsjökuls sem er 1.446 metrar á hæð. Fjölbreytt verkefni unnin til þess að ná markmiði.

 

Leiðir

• Kennari og nemendur skoða umhverfi sitt og finna ákjósanlegan hlut sem hægt er að nota sem mælieiningu. Til dæmis væri hægt að nota fánastöng sem áætla mætti að væri um 8 metrar á hæð, þá þyrfti um 180 fánastengur til þess að toppa Snæfellsjökul. Einhverjir nemendanna þekkja Gufuskálamastrið sem er 412 metrar og gæti það jafnvel nýst sem mælieining. Finna mætti fleiri einingar í samráði við nemendur og reikna í reiknivél hversu margar einingar þarf til þess ná upp á jökul, reiknivél og stórar tölur vekja oftast áhuga og undrun nemenda.

• Skemmtilegt er að vinna úr verkefninu á myndrænan hátt, teikna eða líma mynd af Snæfellsjökli á veggspjald og við hlið myndarinnar raða upp táknrænt hlutum sem endurspegla valdar mælieiningar eða mynd af mælieiningunni og skrá niður fjöldann.

 

Hlutverk kennara

Að dýpka þekkingu nemenda á Snæfellsjökli og rýna með þeim í stærð hans. Að vinna að fjölbreyttri útfærslu á úrvinnslu í samvinnu við nemendur.